ఓమ్మో ఓం శాంతి ఓం!

by admin@ 24fps

ఓం శాంతి ఓం ట్రైలర్ చూస్తే సినిమా కథంతా చెప్పెయ్యొచ్చు. మరి అలాంటి రెండు లైన్ల కథను మూడు గంటల పాటు కొనసా…..గిస్తే ఏమవుతుందో తెలుసా? చివరిదాకా భరించిన వాళ్ళకి తలనొప్పి.

ఇంతకీ ఆ రెండు లైన్ల కథేంటంటే ఓం అనే కురాడు హీరోఅవ్వలని కలలు కంటూ ఒక ప్రఖ్యాత హీరోయిన్తో ప్రేమలో పడి ప్రాణాలు పోగొట్టుకుంటాడు.మరో జన్మలో నిజంగానే సినిమా హీరో అయ్యి పూర్వజన్మలో ఆ హీరోయిన్ను తనకు కాకుండా చేసిన హిలన్ని ముప్పుతిప్పలు పెడ్తాడు. అదీ కథ.

మరి ఇలాంటి తలతిక్క కథను ఎలా ప్రేక్షకుల తలకెక్కుతుంది? తుందండీ! ఎందుకంటే కథదేముంది, LKG చదివే మా సాయి గాడు రాత్రుళ్ళు తెగ కథలు చెప్తాడు. ఈ సినిమా దర్శకురాలు ఫరా ఖాన్ వరకూ కథతో పెద్ద సంబంధం లేదు. తన గిమ్మిక్కులతో ఎలా అయినా సినిమా తీయొచ్చని ఆమె నమ్మకం. ఈ సినిమా ప్రేక్షకామోదం పొందడానికి ఆమె వాడిన మొదటి ఆయుధం: కింగ్ ఖాన్. మరి మన దేశం లోనే అత్యుత్తమ నటుడంటారు. వీరుడు, శూరుడు అంటారు, మరి ఆయన మెదడు మోకాట్లో వుందో ఏమో కానీ ఇలాంటి సినిమా ఎలా ఒప్పుకున్నాడో ఏమో? ఒప్పుకున్నాడే అనుకో ఈయన సినిమాలు ఎన్ని ఫ్లాప్ కాలేదు. అంటే కింగ్ ఖాన్ ఒక్కడే చాలడని ఫరామ్మ కు తెలుసనుకుంటా. అందుకే రెండో ఆయిధంగా మన మీదకు వదులుతుంది పాత సినిమా పచ్చడి.

ఆయనెవరో మన్మోహన్ దేశాయ్ అంట. ఆయన కి ట్రిబ్యూట్ అంట. ఎమో ఆ గోళ నాకు అర్థం కాలేదు కానీ, రేపోమాపో మన తెలుగు వాళ్ళు కూడా రాఘవేంద్రరావు కి ట్రిబ్యూట్ అని మొదలెట్టినా ఆశ్చర్యం లేదనిపించింది. ఇక ఆ పాత సినిమాల గురించి వివిధ రకమైన జోకులు హడావుడి గందరగోళం అయ్యాసరికి నేను నా సెల్ ఫోనులో బ్రిక్ గేమ్ పది ఆటలు ఆడనూ అయ్యింది, షారూక్ సావనూ సచ్చాడు. ఇంటర్వెళ్ అవ్వనూ అయ్యింది.

ఇక రెండో సగం మొదలయింది. ఫరామ్మ ఇంకేమి గిమ్మిక్కులు మనమీద గుప్పిస్తుందో అనుకునే లోపల ఏ రైలెక్కి వచ్చారో గానీ బాలీవుడ్ వెధవ సంతంతా దిగారు. అభిషేక్, అక్షయ్ దగ్గర్నుంచి జయేద్ వరకూ, అంటే దాదాపు A-Z of Bollywood అన్నమాట. వీళ్ళంతా కలిసి ఒక అరగంట పాటు సినిమాకు సంబంధం లేకుండా, చిన్నప్పుడు మావూర్లో జాతరకు రికార్డింగ్ డ్యాన్స్ ట్రూప్ వాళ్ళు ఆడినట్టు ఆడి ఆడి మన సహనానికి పరీక్ష పెడతారు. ఈ సీను ఎంత ఘోరమంటే అభిషేక్ బచ్చన్ ని ఈ సీన్లో చూస్తే “What am I doing here?” అన్నటుగా వుంటాడు. కానీ పెద్దాయన్ సినిమా కదా అని తప్పక అందులో పాలు పంచుకోవలి అన్నట్టుగా ఆయనుంటాడు. చాలా మంది ఈ రకమైతే సినిమాల్లేని అమీషా పటేల్, దియా మిర్జా లాంటి వాళ్ళు దొరికిందే ఛాన్స్ అని వున్న కొద్దీ క్షణాలు అదరగొట్టేయాలని తెగ ప్రయత్నం చేసారు.

ఎందుకో గానీ అమితాబ్ గారు ఈ ఉత్సవంలో పాలుపంచుకోలేదు. ఆయన లేని లోటు ఈ సినిమాలో కొట్టొచ్చినట్టు కనిపిస్తుంది.

ఇక పోతే….ఏమో ఆ తర్వాత నాకు తెలియదు. నేను నిద్రపోయా…..

మరి ఇలాంటి సోది కథను మూడూ గంటల పాటు తెరకెక్కించడానికి ఎన్ని రోజులు తమ మెదడు పక్కన పెట్టి ఈ సినిమా యూనిట్ వాళ్ళంతా పని చేసారో గానీ చివరకి ఒక తల తిక్క సినిమా మాత్రం మన మీదకి వదిలారు; అదీ దీపావళి శుభసందర్భాన! సినిమా ఛండాళంగా వుంటుంది అని ఫరా ఖాన్ తన మొదటి సినిమా ద్వారానే దిక్కులు పెక్కటిల్లేలా చెప్పినా పరమ శివుడిలా ఆ గరళం నేను మింగి మిగిలిన ప్రేక్షకులకు శిరోభారం లేకుండా చేయాలనే వుద్దేశంతో చూసా, నన్ను నేను హింసించుకున్నా.

దయచేసి ఈ సినిమా చూసే ధైర్యం చేయకండి. చాలా మంది చెప్తుంటారు; ఇలాంటి సినిమాలకు మన మెదడు ఇంటిలో భధ్రంగా దాచుకుని రావాలని. పోనీ అలానే చేసారనుకోండి. ఆ తర్వాత మీ ఇళ్ళు, వాకిలి గుర్తుండకుండా మిమ్మల్ని మీకే అపరచితులని చేసే సత్తా వుంది ఈ సినిమాకి తస్మాత్ జాగ్రత్త.

ఇలాంటి చెత్త సినిమాను కూడా నా పధ్ధతిలో నేను (చూసినంత వరకూ)ఎంజాయ్ చేయడం జరిగింది.ఒక వేళ మీరు ఈ సినిమా చూడాలనుకున్నట్టయితే సినిమా సెకండ్ హాఫ్ లో కింగ్ ఖాన్ కనిపించిన ప్రతి సారీ ఆయన వెనుక ఒక ముగ్గురమ్మాయిలు వుంటారు. వారినే గమనించండి. మీ టిక్కెట్టు డబ్బులు వసూలు కానట్టయితే నన్ను సంప్రదించండి. వాళ్ళని చూసి నవ్వలేక చచ్చాననుకోండి.కానీ సినిమా మొదటి సగంలో ఇలాంటి ఎంజాయ్ చేయగలిగే సన్నివేశాలు పెద్దగా లేవనే చెప్పాలి.

ఇక మీ ఇష్టం. చూస్తారో, చూసి…..

Finally OSO is just a joke on our sensibilities!

PS:గిరి గారూ నా మాట నమ్మండి. ఈ సినిమా జోలికి పోకండి.