Overrated Career?
మొన్నీ మధ్యనే ప్రపంచ సినీ చరిత్రలోని అత్యుత్తమ దర్శకునిగా పేరుగాంచిన Ingmar Bergman మరణించిన విషయం తెలిసిందే కదా! ఈ సంధర్భంగా ప్రపంచంలోని ఎంతోమంది సినీ ప్రేమికులు విలపించారు. నేను కూడా రెండు కన్నీటిబొట్ట్లు రాల్చిన మాట నిజమే. ఆయన మరణానికి సంతాపం తెలుపుతూ ఎంతో మంది బ్లాగర్లు తమ బ్లాగుల్లో ఆయన గురించి రాసేసారు. పత్రికలు ఆయన సినిమాలనూ, ఆయన్ను పొగుడూతూ రాసేసాయి. అయితే వీటన్నింటికీ వ్యతిరేకంగా Newyork Times పత్రికలో JONATHAN ROSENBAUM అనే సినీ విమర్శకుడు, Scenes From an Overrated Career అని ఒక వ్యాసం రాసేసారు. Bergman తీసిన Scenes from a marriage అనే సినిమా టైటిల్ను పేరడీ గా వుపయోగిస్తూ ఈయన రాసిన వ్యాసం ఇప్పుడు internet లో పెద్ద చర్చనీయాంశమైంది.
ఈ సంవత్సరం సినీ ప్రపంచానికి తీరని లోటు కలుగచేసిందంటే నిజం. జులై 30 న Ingmar Bergman మరణంతో సినీ ప్రపంచంలో పెద్ద వెలితినే కలుగచేసింది. Bergman మరణించిన కొద్ది గంతల్లోనే మరో సినీ మేధావి, ప్రపంచ సినిమా చరిత్రలో తనకంటూ ఒక ప్రత్యేక స్థానాన్ని ఏర్పరుచుకున్న ఇటాలియన్ దర్శకుడు Michelangelo Antonioni మరణంతో ప్రపంచ సినీ ప్రేమికులను శోక సముద్రంలో ముంచేసింది.