సంతోషం-మున్నాభాయ్-పోకిరి
మన వాళ్ళు (బాలీవుడ్, టాలీవుడ్, కాలీవుడ్ మరియు మిగిలిన వుడ్స్) అందరూ ఇంగ్లీషు లేదా ఇతర భాషా సినిమాలనుండి ఐడియాలను కాపీ కొట్టేస్తారన్నది మనందరికీ తెలిసిందే. నేను కాస్తా ఎక్కువ సినిమా చూస్తానేమో ఏదన్న సినిమా చూడగానే వెంతనే ఇది ఫలాన సినిమానుంచి కాపీ అని చెప్పేస్తాను. నా స్నేహితులేమో నోరుమూసుకుని సినిమా చూడక ఎందుకురా నీ సినీ జ్ఞానంతో మమ్మల్ని హింసిస్తావని నా నోరు మూసేస్తారు. నా ఆ జ్ఞానంతోనే నిన్న రాసిన శంకర్దాదా వ్యాసంలో మున్నాభాయ్ ఒక ఆంగ్ల సినిమాకి కాపీ అని రాశాను. కాపీ అనడం నా తప్పే! ఆ సినిమా నుంచి ఇన్స్పిరేషన్ పొందారనడం కరెక్టనుకుంటా.
ఈ రోజు చాలామంది ఎంతో రోజులుగా ఎదురుచూస్తున్న రోజు. చిరంజీవి అభిమానుల కలలు పండేరోజు. శంకర్దాదా జిందాబాద్ విడుదలయ్యే రోజు. గతంలో హిందీలొ వచ్చిన “మున్నాభాయ్ MBBS” అనే సినిమా రీమేక్ హక్కులు కొని తెలుగులో హిరంజీవితో “శంకర్దాదా MBBS” పేరుతో తీసారన్న సంగతి అందరికీ తెలిసిందే! హిందీలో వున్నంత గొప్పగా తెలుగులో లేకపోయినా మన చిరు మానియా కలిగిన అభిమానులు తెగ చూసేసి నిర్మాతల జేబులు నింపారు. ఆ తర్వాత హిందీలో “మున్నాభాయి MBBS” సినిమాకు సీక్వెల్ గా “లగే రహో మున్నాభయ్” అన్న సినిమా తీసి విజయం సాధించాక అదే సినిమా హక్కులు పొంది ఇప్పుడు “శంకర్ దాదా జిందాబాద్” అన్న సినిమా తీసి ఇవ్వాళ విడుదల కాబోతున్న సంగతి అందరికీ తెలిసే వుంటుంది.